Podes deseñar e construír un coche que se move cara adiante e cara atrás. Necesitas facer
unha plataforma e incorporar unha polea a un dos eixes, que será movida por un motor.
Na seguinte imaxe tes un modelo, pero podes facer a plataforma con outra forma diferente,
dependendo da carrocería que lle queiras poñer.
Esta solución é mellor que anterior porque os motores que temos na aula non teñen forza
suficiente para arrastrar o peso do coche. Cun tren de poleas consegues reducir a velocidade
pero aumentar a forza do último eixe.
Os eixes deben ser paralelos entre si. Incorpora unhas guías intentando evitar o máximo
posible o rozamento co eixe.
Para movelo podes fabricar un mando cunha chave de cruce feita cunha pinza da roupa ou
utilizar un conmutador dobre comercial.
Podes incorporarlle luces dianteiras accionadas dende o mando mediante un interruptor.
Utiliza uns LEDs para incorporar unha luces que se acendan automáticamente cando o
coche vai marcha atrás. Utiliza un simulador de circuítos para facer os deseños.
Deseña unha carrocería orixinal. Utiliza un material que pese pouco.
Podes complicalo aínda máis: Se lle conectas dous motores ás dúas rodas dianteiras,
podes controlar o movemento mediante un conmutador dobre de dous pulsadores,
un para cada motor. Para que xire ben cómpre que a roda traseira sexa unha roda tola.
Descarga o plano dende aquí
Descarga o plano dende aquí
